Quinta-Feira 05-Junho-2025 Selebra Asinatura Akordu Subvensaun entre Institutu Qualidade Timor-Leste, Instituto Público (IQTL, I.P) no Diretor Jeral Finansas Indonesia liu hosi Embaixada Repúblika Indonézia marka kooperasaun ofisiál entre instituisaun rua ne’e. Kooperasaun ne’e ho objetivu atu hasa’e IQTL,I.P nia kapasidade iha kontrolu kualidade produtu, liu-liu aimoruk no hahan, iha Timor-Leste. Subsídiu husi Finansas Indonesia sei fó apoiu ba formasaun pesoál IQTL,I.P no AIFAESA,I.P nian hamutuk nain 10 ne'ebe sei tuir formasaun Tekniku espesifikamente iha Kupang, fornesimentu kapasitasaun, no dezenvolvimentu infraestrutura ne’ebé presiza atu hala’o kontrolu ne’ebé efetivu no efisiente. Jeralmente, akordu ida ne’e hein atu fo seguru no saúde povu Timorense liu husi hasa’e kualidade produtu sira ne’ebé sirkula.