PT 
EN 
Singapore,26 to 28 Maio 𝟐𝟎𝟐5
Durante loron Tolu Reuniaun ASEAN Consultive Committee for Standards and Quality (ACCSQ) ba Grupo Servisu Avaliasaun Konformidade, Akreditasaun, Padraun, no Qualidade ne'ebe lidera husi Chefe komisaun Komite husi ACCSQ WG 2 husi Nasaun rua hanesan Malaysia no Lao PDR, ho objektivu kona ba oinsa implementasaun Avaliasaun Konformidade, Akreditasaun, Padraun no Setifikasaun iha Nasaun Asean Member State (AMS) sira no iha Nasaun Membru Asean sira tuir ona Standard nebe’e membro ASEAN sira implementa, nune’e mos difikuldade saida mak Nasaun membru Asean sira hasoru wainhira implementa Avaliasaun Konformidade, Akreditasaun, Padraun no Sertifikasaun. Ho nune’e sekretariadu ASEAN bele hatene no bele rekomenda ba Parseiro deselvolvimentu sira atu bele fo apoio asistensia nomos formasaun ba funsionario tekniku sira hodi implementa tuir Akreditasaun no Standard tuir kompetensia entidade Reguladora iha kada Nasaun Membru Asean ida-idak hodi bele implementa tuir regulamentu nebe membro ASEAN sira aseita no adopta.
Ho nune’e Sekretariadu ASEAN apresenta relatorio kada reuniaun tekniku atu nune’e bele hatene faze sira kona ba prosesu implementasaun Akreditasaun, Standard Sertifikasaun iha nasaun membru Asean ida-idak.
Durante ne'e IQTL,IP sempre delega funsionario tekniku sira hodi ba tuir reuniaun grupu tekniku ACCSQ WG2 nian, maibe Timor-Leste hanesan Observador nafatin kontinua partisipa iha reuniaun tekniku sira hodi nune’e bele hatene oinsa IQTL,IP bele implementa Avaliasaun Konformidade, Akreditasaun, Padraun no Sertifikasaun iha Timor-Leste, wainhira Timor-Leste sai ona membro ba ASEAN, atu nune’e IQTL,IP bele iha rekursu no Infrastrutura Kualidade ne'ebe sufisiente hodi alinha tuir standard ne'ebe Membro ASEAN sira implementa iha kada nasaun idak-idak hodi labele sai bareira ba importasaun nomos exportasaun.
Representante Timor-Leste liu hosi IQTL.IP Sr. Tolentino Mariano Fraga Guterres no Sr. Gustavo de Oliveira Maia.
